क्रिकेट खेलाडीलाई सरकारको तर्फबाट सम्मान गर्ने आश्वासन

काठमाडौँ — अर्थमन्त्री जनार्दन शर्माले क्रिकेट खेलाडीलाई सम्मान गर्ने बताएका छन् । त्रिकोणात्मक टी(२० क्रिकेट सिरिजको उपाधि नेपालले जीतेपछि आयोजित कार्यक्रममा अर्थमन्त्री शर्माले खेलाडीहरुलाई बधाई दिए ।

‘खेल क्षेत्रमा लगानी बढाउन सरकार सकारात्मक छ। सरकारले खेलाडीहरुलाई सम्मान गर्ने छ,’ उनले भने । उनले खेलाडीको मनोबल बढाउन सरकारले सक्दो प्रयास गरिरहेको भन्दै पूर्वाधारमा लगानी गरिने बताए। अर्थमन्त्री शर्माले नेपालले त्रिकोणात्मक टी २० क्रिकेट सिरिजमा नेपालले निकै राम्रो उत्कृष्ट प्रदर्शन गरेको बताए ।