पीएनजी विरुद्ध नेपालले पहिले ब्याटिङ गर्ने

काठमाडौँ — नेपालले त्रिदेशीय ट्वान्टी–२० अन्तर्राष्ट्रिय शृंखलाको फाइनलमा पपुवान्युगिनी पीएनजी विरुद्ध पहिले ब्याटिङ गर्ने भएको छ । कीर्तिपुरस्थित त्रिवि क्रिकेट मैदानमा पीएनजीका कप्तान असद भालाले टस जितेर फिल्डिङ गर्ने निर्णय गरेपछि नेपालले ब्याटिङ गर्ने भएको हो ।

लिग चरणमा नेपालले पीएनजीविरुद्धको दुबै खेल जितेको थियो । नेपालले शृंखलामा चारै खेल जितेको थियो । पीएनजीले भने मलेसियाविरुद्धको एक खेल मात्रै जतेको थियो । पीएनजी र मलेसियाको समान दुई अंक भए पनि रन रेटका आधरमा पीएनजीले फाइनलमा स्थान पक्का गरेको हो ।