अपराजित रहँदै नेपाल फाइनलमा

काठमाडौँ – अपराजित रहदै नेपाल त्रिकोणात्मक टी–ट्वान्टी सिरिजको फाइनलमा पुगेको छ । अन्तिम खेलमा मलेसियालाई ८५ रनले पराजित गर्दै नेपाल अपराजित रहेर फाइनल पुगेको हो ।

घरेलु त्रिवि क्रिकेट मैदानमा २ सय २४ रनको विशाल लक्ष्य पछ्याएको मलेसिया १९ ओभरमा ५ बलमा १ सय ३८ रनमा अलआउट भयो ।

सिरिजमा नेपालले ४ खेलमा ४ जित निकाल्दै तालिकाको शीर्ष स्थानबाट फाइनल पुगेको छ । मलेसिया पराजित भएसँगै सिरिजबाट बाहिरियो । फाइनलमा नेपाल र पपुवा न्युगिनी (पीएनजी) खेल्ने छन् ।