कोरम नपुगेको भन्दै अर्थ समितिका दुवै बैठक स्थगित

काठमाडौँ – अर्थ समितिले प्रि–बजेटमाथि छलफल गर्न आज बोलाएको बैठक कोरम नपुगेर स्थगित भएको छ ।

समितिले आज अर्थ मन्त्रालय र योजना आयोगसँग छुट्टाछुट्टै छलफल राखेको थियो । तर सांसदहरु न्यून उपस्थित भएपछि बैठक बस्न सकेन ।

समितिका सचिव सुरेन्द्र अर्यालले आजका दुबै बैठक स्थगित भएको जानकारी दिए ।

समितिका कूल सदस्य संख्याको ५१ प्रतिशत उपस्थित भएमात्र बैठक बस्न सक्छ ।