काठमाडौँ — आईसीसी क्रिकेट वल्र्डकप लिग २ अन्तर्गत नेपालले मंगलबार पीएनजीको सामना गर्दै छ ।
यूएईको दुबईस्थित क्रिकेट मैदानमा हुने खेल नेपाली समयअनुसार सवा ११ बजे सुरु हुनेछ । यो सिरिजको पहिलो खेलमा नेपालले पीएनजीमाथि संघर्षपूर्ण जित हात पारेको थियो ।
सिरिजमा पीएनजीले पनि ३ खेलमा १ मात्र जित हात पारेको छ । उसले पछिल्लो खेलमा यूएईलाई हराएको थियो। लिगमा पीएनजीको यो पहिलो जित थियो ।
लिगको पुछारमा रहेको पीएनजीले १५ खेलबाट २ अंक जोडेको छ । नेपालले भने ११ खेलबाट १० अंक हात पारेको छ । लिगको शीर्ष तीन स्थानमा रहने टोलीले सोझै विश्वकप छनोट खेल्न पाउनेछन् ।
प्रतिक्रिया