आज यूएईसँग खेल्दै नेपाल

काठमाडौँ — आईसीसी क्रिकेट वर्ल्ड कप लिग २ अन्तर्गत आज नेपाल र यूएईबीचको खेल हुँदै छ । नेपाली समयअनुसार सवा ११ बजे यूएईको दुबईस्थित रंगशालामा यो खेल हुन लागेको हो ।

यूएई लिग तालिकाको दोस्रो स्थानमा छ । उसले १५ खेलबाट १८ अंक जोडेको छ । ७ टोली सम्मिलित तालिकामा नेपाल भने छैटौं स्थानमा छ। नेपालले ९ खेलबाट १० अंक हात पारेको छ ।

यो सिरिजको बाँकी सबै खेल जित्ने हो भने नेपाल लिगको तेस्रो स्थानमा आउन पुग्नेछ । जारी सिरिजमा यूएई र नेपाल दुवैले पीएनजीमाथि जित हात पारेका छन् ।