आइसीसी विश्वकप लिग २ : आज नेपाल पपुवा न्युगिनीसँग खेल्दै

काठमाडौँ — युनाइटेड अरब इमिरेट्स ९यूएई०मा मंगलबारदेखि सुरु भएको आईसीसी क्रिकेट विश्वकप लिग टुमा आज नेपालले पहिलो खेल खेल्दै छ ।

नेपालले आज पपुवा न्युगिनीसँग खेल्न लागेको हो । खेल नेपाली समय अनुसार बिहान सवा ११ बजे सुरु हुनेछ ।

यसअघि नेपालले श्रीलंकामा एक साताभन्दा बढी तयारी र अभ्यास खेलेको थियो । लिग टु अन्तर्गत नेपाल, यूएई र पपुवा न्युगिनी बीचको शृंखला ८ गतेसम्म हुनेछ ।

टी–२० विश्वकपको छनोटमा नेपाल सेमिफाइनलमा यूएईसँग पराजित भएर बाहिरिएको थियो । नेपाल ब्याटिङमा बारम्बार चुकेको थियो । प्रतियोगिताको पूर्वसन्ध्यामा दुई अनुभवी बलर करन केसी र सोमपाल कामी घाइते हुनु नेपालका लागि दुर्भाग्यपूर्ण रह्यो । यी दुई फास्ट बलरले ब्याटिङतर्फ पनि पटकपटक आफूलाई सावित गरेका छन् । त्यसैले उनीहरुको अनुपस्थिति खड्किएको थियो ।