काठमाडौँ — फ्रेन्च लिग वानमा पेरिस सेन्ट जर्मेन पीएसजी ले सानदार जित निकालेको छ । गएराति भएको खेलमा पीएसजीले बोर्डेअक्समाथि ३ – ० गोल अन्तरले पराजित गरेको हो । पीएसजीलाई सानदार जित दिलाउनको लागि केलियन एमबाप्पे, जुनियर नेयमार र लियान्द्रो ड्यानियल पारेडेसले समान एक-एक गोल गरे ।
खेलको २४औं मिनेटमा एमबाप्पेले गोल गर्दै पीएसजीलाई अग्रता दिलाएका थिए ५२औं मिनेटमा नेयमारले गोल गर्दै पीएसजीको अग्रता दोब्बर पारे । ६१औं मिनेटमा पारेडेसले गोल गर्दै पीएसजीलाई सानदार जित दिलाए । यो जितसँगै शीर्षस्थानमा रहेको पीएसजीले दोस्रो स्थानमा रहेको मार्सेलाई १५ अंकले पछि पारेको छ । पराजित बोर्डेअक्स २२ अंक जोडेर पुछारमा रहेको छ ।
प्रतिक्रिया