काठमाडौँ – श्रीलंका भ्रमणमा रहेको नेपालले तेस्रो अभ्यास खेलमा श्रीलंका पुलिसलाई ३ सय ३२ रनको लक्ष्य दिएको छ । टस जितेर पहिले ब्याटिङ गरेको नेपालले निर्धारित ५० ओभरमा ७ विकेट गुमाएर ३ सय ३१ रन जोड्यो । श्रीलंका पुलिसविरुद्ध नेपालका चार खेलाडीले अर्धशतक पुरा गरेका छन् ।
अर्धशतक पुरा गर्नेमा ओपनरद्वय कुशल भुर्तेल र आसिफ शेख तथा रोहित कुमार पौडेल र करण केसी रहेका छन् ।
यसअघिको श्रीलंका नेभीविरुद्धको दुइ अभ्यास खेलमा नेपालले राम्रो ब्याटिङ प्रदर्शन गर्न सकेको थिएन । दुवै खेलमा जित हात पर्दा नेपालको बलिङले सम्भब भएको थियो ।
अहिले श्रीलंका पुलिसले जवाफी व्याटिङ गरिरहेको छ ।
प्रतिक्रिया