काठमाडौँ – एएफसी एसियन कपअन्तर्गतका तेस्रो चरणको छनोट खेल खेल्नुअघि नेपालले थाईल्याण्डसँग मैत्रीपूर्ण खेल खेल्ने भएको छ । अखिल नेपाल फुटबल संघ (एन्फा) का अनुसार आगामी मार्च २४ मा थाईल्याण्डको राष्ट्रिय टोलीसँग उसैको मैदानमा खेल खेल्न लागेको हो ।
नेपाली राष्ट्रिय फुटबल टोलीले मार्च २७ मा थाईल्याण्डकै स्थानीय क्लब चोनबरी एफसीसँग आफ्नो दोस्रो मैत्रीपूर्ण खेल खेल्ने छ । नेपालले चैत्र दोस्रो सातामा थाईल्याण्डको भ्रमण गर्दै छ ।
नेपालले एएफसी एसियन कप छनोटमा नेपाल रहेको समूह ‘ए’ मा कुवेत, इन्डोनेसिया र जोर्डन रहेका छन् ।
नेपालले गएको माघ १५ र १८ गते अफ्रिकन राष्ट्र मौरिसससँग घरेलु मैदानमा मैत्रीपूर्ण खेल खेलेको थियो । जसमा नेपालले दुवै खेल १–० गोलको अन्तरले जितेको थियो ।
प्रतिक्रिया