सुनको मूल्य तोलाको १ लाख ३ हजार

काठमाडौँ — सुनको मूल्य बढेर प्रतितोला १ लाख ३ हजार पुगेको छ । सोमबार छापावाल सुनको मूल्य ११०० रुपैयाँले बढेर १ लाख ३ हजार रुपैयाँ प्रतितोलामा कारोबार भइरहेको नेपाल सुनचाँदी व्यवसायी महांघले जनाएको छ ।

आइतबार छापावाल सुन प्रतितोला १ लाख १ हजार ९०० रुपैयाँमा कारोबार भएको थियो । यस्तै तेजावी सुनको मूल्य पनि प्रतितोला ११०० रुपैयाँले बढेर १ लाख २ हजार ५०० रुपैयाँ पुगेको छ ।

सोमबार चाँदीको मूल्यमा पनि प्रतितोला १० रुपैयाँले वृद्धि भएको महासंघले जनाएको छ । आइतबार १४१५ रुपैयाँमा कारोबार भएको चाँदी सोमबार १४२५ रुपैयाँ प्रतितोला पुगेको हो ।