पीएसजी निससँग १–० अन्तरले पराजित

काठमाडौँ — फ्रेन्च लिग लिडर पेरिस सेन्ड जर्मेन पीएसजी निससँग स्तब्ध भएको छ । शनिबार राति भएको लिग वानको खेलमा दोस्रो स्थानको निससँग पीएसजी १-० गोल अन्तरले पराजित भएको छ । घरेलु मैदानमा निसलाई जिताउन एण्डी डेलोर्टले निर्णायक गोल गरे । उनले खेल सकिन दुई मिनेट अघि गोल गरेका थिए ।

लिओनल मेसी, नेयमारसहित मैदाद उत्रिएको पिएसजीले पाएका राम्रा मौका खेर फाल्दा हार व्यहोर्नुपरेको थियो ।जारी लिगमा पीएसजीको यो तीन हार हो । २७ खेलमा ५ बराबरी र १९ जित निकालेको पिएसपीले शीर्ष स्थानमा १३ अंकको अग्रता कायमै राखेको छ ।जितसँगै निसले पीएसजीसंगको अंक दूरी घटाएको छ ।