पल शाह दुई नम्बरीमा अटाउलान् त ?

काठमाडौँ – २ नम्बरी’ फिल्मको छायांकन फेरि सुरु हुने भएको छ । दीपेन्द्र लामाको निर्देशनमा रहेको फिल्म पहिलो चरणको कोरोना महामारीको कारण रोकिएको फिल्म अहिले आएर फेरि सुरु हुन लागेको हो । फिल्मको छायांकन १ चैत्रबाट सुरु हुने निर्माता करिण नेपालीले जानकारी दिए । काठमाडौंबाट सुरु भएको फिल्मको छायांकन पोखरामा पुगेर रोकिएको थियो । अहिले फिल्मको छायांकन लोकेसन र केही कलाकार भने फेरिने भएका छन् ।

फिल्मका एक कलाकार जयनन्द लामाको निधन भएको र कलाकार पल शाह बलात्कारको आरोपमा प्रहरी हिरासतमा रहेकोले निर्माण युनिटले केही कलाकार परिवर्तन गर्न लागेको हो । निर्माता किरण नेपालीले स्वर्गीय कलाकार जयनन्द लामाको ठाउँमा अर्को कलाकार राखिने भएपनि पलको विषयमा केही निर्णय नभएको बताए । ‘

पल शाहमाथि आरोप लागेको हो । प्रमाणित भएको छैन’ किरणले भने ‘केही दिनपछि उनको बिषयमा हुने कानुनी फैसला अनुसार हामी उनी रहने नरहने निर्णय गर्नेछौँ ।’ फिल्ममा पल परिवर्तन हुन सक्ने किरणले सुनाए । फिल्ममा दयाहाङ राई, उगेन छोदेन भुटानी अभिनेत्री, वर्षा राउत लगायतको मुख्य भूमिका रहनेछ ।