लुम्बिनीलाई १० विकेटले हराउँदै एपीएफ फाइनलमा

काठमाडौँ – एपीएफ क्लब ललितपुर मेयर महिला टी–ट्वान्टी च्याम्पियनशीपको फाइनलमा प्रवेश गरेको छ । टियु क्रिकेट मैदानमा आज लिग चरणको अन्तिम खेलमा एपीएफले लुम्बिनी प्रदेशलाई १० विकेटले पराजित गरेको हो ।

एपीएफले खेलेका चारवटै खेल जितेको छ । यता सुदुरपश्चिमले भने तीन खेल जित्दै लिगमा दोस्रो हुदै फाइनलमा प्रवेश गरिसकेको छ । एपीएफ र सुदुरपश्चिमबीचको फाइनल खेल भने भोलि हुनेछ ।