ए डिभिजन लिग आजबाट सकिदै, अन्तिम दिन तीन खेल हुँदै

काठमाडौँ – शहिद स्मारक ए डिभिजन लिग फुटबल आजबाट सकिदैछ । लिगको अन्तिम चरण अन्तर्गत आज तीन खेल हुँदैछन् ।

दशरथ रंगशालामा दुई र एन्फा कम्प्लेक्समा एक खेल हुने छ । लिगको उपाधि विजेता र रेलिगेसनमा पर्ने टोलीको टुंगो यस अघि नै लागिसकेको छ । मछिन्द्र फुटबल क्लबले उपाधि जितिसकेको छ । च्यासल युथ क्लब र ब्रिगेड ब्वाइज क्लब रेलिगेसनमा परेका छन् ।

त्रिपुरेश्वरस्थित दशरथ रंगशालामा हुने पहिलो खेलमा त्रिभुवन आर्मी क्लब र मनाङ मस्र्याङ्दी क्लबबीच प्रतिस्पर्धा हुनेछ । यस्तै रंगशालामा हुने दोस्रो खेलमा च्याम्पियन मछिन्द्र र एपीएफ क्लबबीच प्रतिस्पर्धा हुने छ । सातदोबाटोस्थित एन्फा कम्प्लेक्समा हुने खेलमा न्युरोड टिम एनआरटी र नेपाल पुलिस क्लबबीच प्रतिस्पर्धा हुनेछ ।