काठमाडौँ — आईसीसी टी–२० विश्वकप छनोटअन्तर्गत शनिबार नेपालले फिलिपिन्सको सामना गर्दै छ ।
ओमानको अल अमिरात क्रिकेट मैदानमा नेपाली समयअनुसार मध्याह्न पौने १२ बजे यो खेल सुरु हुनेछ । यसअघि शुक्रबार भएको खेलमा नेपालले ओमानलाई ३९ रनले पराजित गरेको थियो ।
यससँगै नेपालले सेमिफाइनमा पुग्ने सम्भावना बलियो बनाएको छ । शुक्रबारै भएको अर्को खेलमा फिलिपिन्स भने क्यानडासँग ११८ रनले पराजित भएको थियो ।
समूहमा रहेका चारमध्ये २ टोली सेमिफाइनलमा पुग्नेछन् भने सेमिफाइनलमा जित हात पार्ने टोली विश्वकपका लागि छनोट हुनेछ ।
प्रतिक्रिया