काठमाडौँ – आईसीसी पुरुष टी–ट्वान्टी विश्वकप अन्तर्गतको ग्लोबल छनोट आज देखि सुरु हुँदै छ । समूह ए को पहिलो खेलमा नेपालले आज घरेलु टोली ओमानको सामना गर्दैछ ।
विश्वकपमा छनोट हुने लक्ष्यसहित ओमान पुगेको नेपाल र ओमानबीचको खेल बिहान ११ः४५ बजे सुरु हुनेछ । खेल अल अमेरात क्रिकेट मैदानमा हुनेछ ।
गत हप्ता चारदेशीय टी–ट्वान्टी सिरिजमा नेपालले ओमानलाई ६ विकेटले हराएको थियो । छनोटको नेपालको दोस्रो खेलमा नेपालले फेव्रअरी १९ मा फिलिपिन्ससँग खेल्नेछ भने तेस्रो खेल क्यानाडाविरुद्ध फेव्रअरी २१ मा खेल्ने तालिका रहेको छ ।
नेपाल, ओमान, क्यानडा र फिलिपिन्स समूह ए र आयरल्यान्ड, युएई, बहराइन र जमर्नी समूह बी मा छन् । समूह चरणको खेलपछि दुबै समूहका शीर्ष दुई टोली सेमिफाइनलमा प्रवेश गर्नेछन् । सेमिफाइनल खेलहरु फेव्रअरी २२ तारिखमा हुनेछ । फाइनल भने फेब्रुअरी २४ तारिखमा हुनेछ ।
८ देशबीच हुने प्रतिस्पर्धाबाट फाइनल पुग्ने दुई टोलीले आगमी अक्टोबर–नोभेम्बरमा अष्ट्रेलियामा हुने टि२० विश्वकप खेल्न पाउने छन् ।
प्रतिक्रिया