आज दुई खेल हुँदै, एपीएफ र मनाङ तथा एनआरटी र संकटा प्रतिस्पर्धामा

काठमाडौँ – शहिद स्मारक ए डिभिजन लिग फुटबल अन्तर्गत आज दुई खेल हुँदै छ । लिगको ११औँ चरण अन्तर्गत दशरथ रंगशाला र एन्फा कम्प्लेक्समा एक–एक खेल हुने छ ।

त्रिपुरेश्वरस्थित दशरथ रंगशालामा एपीएफ क्लब र मनाङ मस्र्याङ्दी क्लबबीच प्रतिस्पर्धा हुनेछ । मनाङ १० खेलमा २० अंक जोडेर दोस्रो स्थानमा रहेको छ । एपीएफलाई हराएर मनाङ दोस्रो स्थानमा यथावत रहन चाहन्छ । लिगको उपाधि भने मछिन्द्रले जितिसकेको छ ।

एपीएफ १० खेलमा ११ अंक जोडेर नवौं स्थानमा रहेको छ । सातदोबाटोस्थित एन्फा कम्प्लेक्समा हुने खेलमा न्युरोड टिम एनआरटी र संकटा क्लबबीच प्रतिस्पर्धा हुनेछ । एनआरटी १० खेलमा १४ अंक जोडेर सातौं स्थानमा रहेको छ । संकटा १० खेलमा १५ अंक जोडेर पाँचौं स्थानमा रहेको छ ।