ए डिभिजन लिगमा ११औँ चरणका खेल आजदेखि

काडमाडौँ – सहिद स्मारक ए डिभिजन लिग फुटबलमा आज ११ औँ चरणका खेल सुरु हुँदैछन्। त्रिपुरेश्वरस्थित दशरथ रंगशालामा दिउँसो १ बजे हुने खेलमा ब्रिगेड ब्वाइज र च्यासल युथ क्लब भिड्दैछन्। सोही समयमा एन्फा कम्प्लेक्स सातदोबाटोमा हुने खेलमा जावलाखेल र फ्रेन्ड्स क्लब भिड्दैछन्।

१० खेलबाट जम्मा ५ अंक जोडेर अन्तिम स्थानमा रहेको च्यासल रेलिगेशनबाट जोगिन आज जित निकाल्ने लक्ष्यका साथ मैदान उत्रिँदा ब्रिगेड ब्वाइज पनि रेलिगेशनबाट जोगिन स्पष्ट ३ अंकको खोजीमा हुनेछ। ब्रिगेडको समान १० खेलबाट ६ अंक छ।

अर्को खेलमा जावलाखेल युथ क्लब र फ्रेन्ड्स क्लब आमनेसामने हुनेछन् । दुवै टोलीलाई रेलिगेसन खतरा कम गर्न यो खेल जित्नैपर्ने दबाब छ । समान १० खेलबाट नौ अंकका साथ जावलाखेल ११ औं स्थानमा रहँदा फ्रेन्ड्स ६ अंक जोडेर १२ औं स्थानमा छ ।