काठमाडौँ – कुनैबेला स्कुलको शुल्क तिर्ने पैसा नहुने २६ वषीया स्कारलेट जोन्स अहिले करोडौँ सम्पत्तिको मालिक्नी भएकी छन् । पढाई खर्च र पकेट खर्च पनि निकै मुस्किलले जुटाउनु पर्ने उनी २१ वर्षकै उमेरमा करोडपति बन्न पुगिन् ।
अझै पनि हाम्रो समाजमा कामको सम्मान हुने गरेको पाइँदैन । कामको सम्मान गरौं भनेर जति आदर्शका कुरा गरेपनि यर्थाथ भने अधिकांशले स्वीकार्न सक्दैनन् । त्यसमाथि झन् देह व्यापारको कुरा आउँदा गर्ने हो भने त्यो हाम्रो सोचमा पनि आउँदैन । यस्तै किसिमको जीवन बिताइरहेकी उनै स्कारलेट जोन्सको सफलताको कथा यहाँ प्रस्तुत गरिएको छ ।
संघर्ष र अभावमा बाचिरहेकी स्कारलेट जोन्सले त्यसबाट मुक्त हुनका लागि पोर्न उद्योगको सहारा लिइन् । उनको त्यो निर्णयले जीवन नै बदलिदियो र २१ वर्षको उमेरमै उनी करोडपति बनिन् ।
डेलीस्टारका अनुसार हाल २६ वर्ष उमेरकी स्कारलेट जोन्स कुनै समय कानुनकी विद्यार्थी थिइन् । त्यो समय उनीसँग पकेट खर्चका लागि पनि पैसा हुँदैनथ्यो । उनको कलेजका धेरै साथीहरु पकेट खर्चका लागि पार्टटाइम जागिर गर्दथे । स्कारलेटले पनि पार्टटाइम जागिर गर्ने सोच बनाइन् । उनी त्यस्तो जागिर गर्न चाहन्थिन् जसले उनको पकेट खर्च र कलेजको शुल्कको पैसा कमाउन सकिन्थ्यो ।
त्यसपछि स्कारलेटले पोर्न उद्योगको बाटो तय गरिन् । उनले जुन बाटो रोजिन् त्यो सम्मानजनक थिएन तर उनको आवश्यकता पूर्ति गर्नमा त्यो बाटो निकै सहयोगी बन्यो । उनमा पोर्न उद्योगको यस्तो लगाव बढ्यो कि त्यसबाट बाहिर निस्किनै सकिनन् । सुरुमा उनले स्थानीय एक नग्न क्लबका लागि काम गरेकी थिइन् ।
स्कारलेटले एक पडकास्ट शोमा पोर्न उद्योगबारे खुलेर कुराकानी गरेकी थिइन् । आफ्ना सहपाठीहरुबाट उक्त स्ट्रिप क्लबका बारेमा आफूले थाहा पाएको उनले बताएकी थिइन् । त्यसपछि इन्स्टाग्राममा समेत देखेर प्रभावित हुँदै उनी उक्त नग्न क्लबमा काम गर्न गइन् । त्यसपछि उनले टेलिभिजनमा पनि काम सुरु गरिन् र अन्ततः व्यवसायिक पोर्नस्टार बनिन् ।
उनले ठूला–ठूला पोर्न फिल्मका परियोजनामा पनि करार गरिन् । ती करार सम्झौतामा अनेक अनौठा शर्त हुन्थे जसमा कपालको रङ बदल्न नपाइनेदेखि शरीरमा अनुमति बेगर टाटु बनाउन नपाइने सम्मका शर्त थिए । उनलाई ती सबै शर्त मञ्जुर भए ।
अहिले उनी आफ्नो करिअरलाई लिएर खुसी रहेको बताउँछिन् । २१ वर्षको उमेरमै आलिशान बंगला खरीद गरेकी स्कारलेट अहिले करोडौंकी मालिक बनिसकेकी छिन् ।
–एजेन्सी
प्रतिक्रिया