थप ८३६ जनामा काेरोना संक्रमण पुष्टि, चार जनाको मृत्यु

काठमाडौँ – नेपालमा आज थप ८३६ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रलायका अनुसार ४ हजार २४० जनाको पीसीआर परीक्षण गर्दा ४९१ र २ हजार ३९४ जनाको एन्टीजेन परीक्षण गर्दा ३४५ जनामा संक्रमण पुष्टि भएको हो ।

यो अवधीमा १ हजार ८२६ जना डिस्चार्ज भएका छन् । यस्तै आज थप ४ जनाको कोरोना संक्रमणबाट मृत्यु भएको छ । अहिले देशभरी २६ हजार १०२ जना सक्रिय संक्रमित रहेका छन् ।