खेलको दौरान मनीष गम्भीर घाइते, मैदानमा सीपीआरपछि अस्पताल भर्ना

काठमाडौँ – कतार एयरवेज शहीद स्मारक ’ए’ डिभिजन लिग फुटबल अन्तर्गत मछिन्द्र फुटबल क्लबका मिडफिल्डर मनिष डाँगीले चोट बोक्न पुगेका छन् ।

शनिबार भएको च्यासल युथ क्लबविरुद्ध खेलको दौरान डाँगी गम्भीर घाइते भएको हो । उनलाई अहिले अस्पताल लगिएको छ । ६५औँ मिनेटमा हेडिङ गर्ने क्रमा मनीषको च्यासलका यानिक केचासँग टाउको ठोक्किएपछि उनी मैदानमा ढलेका थिए । लगत्तै उनलाई मैदानमा नै सीपीआर दिएको थियो ।

त्यसपछि उनलाई मैदानबाटै एम्बुलेम्स मार्फत् अस्पताल लगिएको छ ।

उक्त खेल मच्छिन्द्र २–० ले विजयी भयो । मच्छिन्द्रका लागि सुनील बल र विमल घर्तीमगरले एकरएक गोल गरे ।