स्थगित पुलिस र च्यासलको खेल आज,रेलिगेसनबाट जोगिने रणनीतिमा च्यासल

काठमाडौँ – शहिद स्मारक ए डिभिजन लिग फुटबल अन्तर्गत आज नेपाल पुलिस क्लब र च्यासल युथ क्लबबीच प्रतिस्पर्धा हुँदै छ । लिगको नवौं चरण अन्तर्गत कोभिड–१९ को कारण स्थगित पुलिस र च्यासलबीचको खेल त्रिपुरेश्वरस्थित दशरथ रंगशालामा आज हुन लागेको हो ।

यसअघि पुलिस र च्यासलबीचको खेल माघ २ गते हुने तालिका थियो । तर, च्यासलका खेलाडीमा कोभिड–१९ को संक्रमण देखिएपछि खेल स्थगित गरिएको थियो । च्यासलका १९ खेलाडीमा कोरोना संक्रमण पुष्टि भएको थियो ।

यसअघि शनिबार हुने तय भएको खेल वर्षाका कारण मैदान खराब भएपछि आजका लागि सारिएको थियो । आज दुबै टिम जित निकाल्ने योजनासहित मैदान उत्रने छन् । लिगमा पुलिस ८ खेलमा ७ अंक जोडेर ११ औं स्थानमा रहेको छ । च्यासल ८ खेलमा ५ अंक जोडेर १३ औं स्थानमा रहेको छ ।

रेलिगेसन क्षेत्रबाट माथि उक्लन च्यासललाई यस खेल महत्वपूर्ण रहेको छ ।