त्रिविको स्थगित परीक्षाहरू फागुनमा गर्ने तयारी

काठमाडौँ – त्रिभुवन विश्वविद्यालयले कोरोना संक्रमणका कारण स्थगित भएका परीक्षाहरु फागुनमा सञ्चालन गर्ने भएको छ । माघभित्रै परीक्षा तालिका प्रकाशन गर्ने त्रिविको तयारी छ ।

सोमबार बसेको त्रिभुवन विश्वविद्यालयका पदाधिकारीको बैठकले रोकिएको परीक्षा आगामी फागुनदेखि गर्ने निर्णय गरेको हो । नेपालमा कोरोनाको नयाँ भेरियन्ट ओमिक्रोन फैलिएसँगै त्रिविले ९ माघदेखि परीक्षा स्थगित गर्ने निर्णय गरेको थियो ।