युनाईटेडको शानदार जित

काठमाडौँ – इंलिस प्रिमियर लिगमा म्यानचेष्टर युनाईटेडले जित निकालेको छ । बुधबार राति ब्रेन्टफोर्डलाई उसैको घरेलु मैदानमा ३–१ गोलको अन्तरले पराजित गर्दै शानदार जित निकालेको हो ।

पहिलो हाफमा भन्दा सुधारिएको प्रदर्शन गरेको युनाइटेडका लागि लिगमा चौथो खेल मात्र खेलका १९ वर्षे एन्थोनी एलान्गाले सुरुवाती अग्रता दिलाए । उनले दोस्रो खेलको ५५औं मिनेटमा फ्रेडको पासमा गोल गरे । मासन ग्रिनउडले ६२औं मिनेटमा अग्रता दोब्बर बनाए । ७७औं मिनेटमा मार्कुस राशफोर्डले तेस्रो गोल थपेपछि युनाइटेड सहज जित निकाल्न सफल भएको हो ।

खेल सकिन पाँच मिनेट बाँकी हुँदा इभान टोनीले सान्त्वना गोल फर्काएको थिए ।

लिगको पछिल्लो लगातार दुई खेलमा जित विहीन बनेको युनाईटेललाई यो जितबाट शीर्ष चारमा रहन मद्दत मिलेको छ । २१ खेलबाट ३५ अंक जोडेको युनाइटेड सातौं स्थानमा छ । जुन एक खेल बढी खेले चौथो स्थानको वेष्ट ह्यामभन्दा दुई अंकले पछाडि हो । १९ खेलको टोटनहम ३६ अंकसहित पाँचौं स्थानमा छ भने २० खेलको आर्सनल ३५ अंक जोड्दै छैटौं स्थानमा छ । पराजित ब्रेन्टफोर्ड २३ अंकका साथ १४औं स्थानमा छ ।