न्यूजिल्यान्ड र अष्ट्रेलियाबीचको सिरिज स्थगित

काठमाडाैँ – न्यूजिल्यान्ड र आयोजक अष्ट्रेलियाबीचको तीन खेलको एकदिवसिय र एक खेलको टी–ट्वान्टी सिरिज स्थिगित भएको छ । जनवरी ३० तारिखमा पर्थमा पहिलो एकदिवसिय हुने तालिका थियो भने त्यसअघि न्यूजिल्यान्ड र क्रिकेट अष्ट्रेलिया–११ बीच जनवरी २७ मा खेल हुने तालिका सार्वजनिक गरिएको थियो ।

तर, दुई देशमा लागु भएको आइसोलेसन तथा क्वारेन्टाइन नियमका कारण सिरिज तत्काल नहुने भएको छ । न्यूजिल्यान्डले विदेशबाट आएका नागरिकहरुलाई अनिवार्य रुपमा १० दिनको क्वारेन्टाइनमा बस्नुपर्ने नियम छ । त्यसैगरी, वेस्टर्न अष्ट्रेलियाको कडा सिमा नियमलाई लिएर सिरिज सम्भव नभएको बताइएको छ ।