प्रधानमन्त्री कपमा चार खेल – आर्मी, पुलिस, एपिएफ र बागमतीले गरे सुखद सुरुवात

काठमाडौँ – विभागीय टोली त्रय त्रिभुवन आर्मी, नेपाल पुलिस, एपिएफ र बागमती प्रदशले आजबाट राजधानीमा सुरु भएको प्रधानमन्त्री कप राष्ट्रिय क्रिकेट प्रतियोगितामा सुखद सुरुवात गरेका छन् ।

कीर्तिपुर स्थित त्रिभुवन विश्व विद्यालयको मैदानमा सोमबार भएको खेलमा आर्मीले कर्णाली प्रदेशलाई ६३ रन तथा पुलिसले सुदुरपश्चिम प्रदेशमाथि २ रनको रोमाञ्चक जित निकाल्दै प्रतियोगितामा सुखद सुरुवात गरेका हुन् । यस्तै अर्को खेलमा एपिएपफले प्रदेश २ लाई २४ तथा बागमती प्रदेशले लुम्बिनी प्रदेशलाई ४९ रनले हराएर प्रतियोगितामा सुखद सुरुवात गरेका हुन् ।

अर्को खेलमा बागमतीले मूलपानी क्रिकेट मैदानमा लुम्बिनी प्रदेशमाथि ४९ रनको जित निकाल्दै प्रतियोगितामा सुखद सुरुवात गरेको हो । प्रतियोगितामा मंगलबार पनि चार खेल हुनेछन् । मूलपानी र कीर्तिपुर मैदानमा गरी दुई–दुई खेल हुनेछन् ।