विश्वमा एकै दिन २६ लाख व्यक्तिमा ओमिक्रोन पुष्टि

काठमाडौँ – कोरोनाको ओमिक्रोन भेरियन्टको प्रकोप बढेसँगै दैनिकजसो संक्रमितको संख्या फेरि बढ्न थालेको छ । पछिल्लो २४ घण्टामा विश्वभर झण्डै २६ लाख व्यक्तिमा कोरोना पुष्टि भएको छ ।

पछिल्लो पटक अमेरिकामा ७ लाख ५५ हजार जनामा कोरोना पुष्टि भएको छ । फ्रान्समा ३ लाख २८ हजार, बेलायतमा १ लाख ७८ हजार, भारतमा १ लाख ४१ हजार र स्पेनमा १ लाख १५ हजार व्यक्तिमा कोरोना संक्रमण पुष्टि भएको छ ।

पछिल्लो २४ घन्टामा कोरोना संक्रमणबाट विश्वभर ६ हजारभन्दा बढी व्यक्तिको मृत्यु भएको छ । अमेरिकामा १ हजार ७६८, रुसमा ७८७, जर्मनीमा २८४, भियतनाममा २३३, बेलायतमा २२९, इटलीमा २२३ र फ्रान्समा १९३ जनाको मृत्यु भएको छ ।