सातदोबाटो युथ क्लब र हिमालयन शेर्पा क्लबबीच प्रतिष्पर्धा हुँदै

काठमाडौँ – शहिद स्मारक ए डिभिजन लिग फुटबल अन्तर्गत आज सातौं चरणको अन्तिम एक खेल हुँदै छ । त्रिपुरेश्वरस्थित दशरथ रंगशालामा सातदोबाटो युथ क्लब र हिमालयन शेर्पा क्लबबीच प्रतिष्पर्धा हुने छ ।

नवप्रवेशी क्लब सातदोबाटो आज तेस्रो जितको खोजीमा रहेको छ । सातदोबाटो ६ खेलबाट ८ अंक जोडेर सातौं स्थानमा रहेको छ । हिमालयन शेर्पालाई हराएर सातदोबाटो शीर्ष पाँचमा उक्लन चाहन्छ ।

शेर्पा पनि तेस्रो जितको खोजीमा रहेको छ । शेर्पा ८ अंक जोडेर आठौं स्थानमा रहेको छ । सातदोबाटोलाई हराएर हिमालयन शेर्पा पनि शीर्ष पाँचमा उक्लने योजनामा रहेको छ ।