रोनाल्डो चम्किदा युनाईटेडको शानदार जित

काठमाडौँ – इंलिस प्रिमियर लिगमा म्यानचेष्टर युनाईटेडले जित हात पारेको छ । गए राति भएको खेलमा युनाईटेडले बर्नलीमाथि ३–१ को जित हात पारेको हो ।

चार वटै गोल पहिलो हाफमा भएको थियो । खराब लयबाट गज्रिरहेको युनाईटेडलाई स्कट म्याकटोमिनीले अग्रता दिलाएका थिए । उनले खेलको ८ औं मिनेटमा क्रिस्टियानो रोनाल्डोको पासमा म्याकटोमिनीले गोल गरेका थिए । दोश्रो गोल भने युनाईटेडले उपहार पाएको थियो । २७ औं मिनेटमा बर्नलीका खेलाडी बिन मीले आत्मघाती गोल गरेका थिए । राल्फ राग्निकको टोलीको तेश्रो गोल रोनाल्डाबाट आएको थियो । उनले ३५ औं मिनेटमा गोल गरेका थिए । बर्नलीका लागि सान्त्वना गोल ३८ औं मिनेटमा आरोन लेन्नोनबाट आएको थियो ।

जितसँगै युनाइटेड अंकतालिकाको शीर्ष ६ मा उक्लिएको छ। १८ खेलबाट युनाइटेडले ३१ अंक जोडेको छ। उता १६ खेलबाट ११ अंक जोडेको बर्नली रेलिगेशन क्षेत्रबाट माथि उठ्न संघर्ष गरिरहेको छ।