काठमाडौँ — पछिल्लो २४ घण्टामा नेपालमा २३५ जनामा कोरोना संक्रमण पुष्टि भएको छ । देशका विभिन्न प्रयोगशालामा गरिएको ६ हजार ८१४ परीक्षणमा २३५ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
२ हजार ८३ जनाको एन्टिजेन परीक्षण गर्दा ६ जनामा संक्रमण देखिएको छ । पीसीआर र एन्टिजेन विधिबाट गरिएको ८ हजार ८९७ परीक्षणबाट २४१ जनामा कोभिड संक्रमण पुष्टि भएको मन्त्रालयले जनाएको छ । पीसीआर परीक्षणमा हालसम्म ८ लाख २८ हजार २०७ जना संक्रमित भएका छन् ।
२४ घण्टामा २२८ जना संक्रमणमुक्त भएका छन् । यो सँगै निको हुनेको संख्या ८ लाख ११ हजार ७४६ पुगेको छ । पछिल्लो २४ घण्टामा कोभिड संक्रमणबाट मृत्यु शून्य छ । कोरोनाबाट हालसम्म ११ हजार ५९० जनाको मृत्यु भएको छ । सक्रिय संक्रमित संख्या ४ हजार ८७१ जना छन् ।
प्रतिक्रिया