काठमाडौँ – नेपालको महिला टोलीले बंगलादेशमा जारी एसियन सिनियर सेन्ट्रल जोन पुरुष तथा महिला भलिबल च्यालेन्ज कपमा आज उपाधिका लागि उज्वेकिस्तानसँग खेल्दैछ ।
सोमबार लगातार पाँचौ जित निकाल्दै अपराजित रहेको नेपाल फाइनलमा पुगेको हो । राउण्ड रोबिनको आधारमा सोमबार अन्तिम खेलमा किर्गिस्तानलाई ३–० को सोझो सेटमा हराउँदै नेपालले फाइनलका यात्रा तय गरेको थियो । अपराजित रहेको नेपालले किर्गिस्तानमाथि २५–८,२५–१४ र २५–१७ को सेटमा जित निकालेको हो । हिजोको जितसँगै नेपालले शीर्ष स्थानमा रहदै फाइनलमा स्थान बनाएको हो ।
नेपालले ५ खेलमा १४ अंक जोडेको छ । यस अघि नेपालले पहिलो खेलमा श्रीलंकालाई ३–२ सेटमा हराएको थियो । दोस्रो खेलमा नेपालले माल्दिभ्सलाई ३–० र तेस्रो खेलमा बंगलादेशलाई ३–० को सेटमा हराएको थियो । यस्तै चौंथो खेलमा उज्वेकिस्तानलाई ३–० को सोझो सेटमा हराउँदै नेपाल एक खेल अगाबै फाइनलमा पुगेको थियो ।
सोमबार नै श्रीलंकालाई ३–२ को सेटमा हराएर उज्वेकिस्तानले फाइनलमा स्थान पक्का गरेको हो ।
प्रतिक्रिया