काठमाडाैँ – एसियन सिनियर सेन्ट्रल जोन पुरुष तथा महिला भलिबल च्यालेन्ज कप अन्तर्गत नेपालको महिला र पुरुष टोलीले आज प्रतिस्पर्धा गर्दैछन् । नेपालको महिला टोलीले आज उज्वेकिस्तानको सामना गर्नेछ ।
नेपाल र उज्वेकिस्तानबीचको खेल दिउँसो सवा एक बजे सुरु हुने छ । नेपालको महिला टोली आज लगातार चौंथो जितको खोजीमा हुनेछ ।
यस्तै, पुरुष टोलीले आज माल्दिभ्ससँग प्रतिस्पर्धा गर्नेछ । नेपाल र माल्दिभ्सबीचको खेल दिउसो पौने ४ बजे सुरु हुनेछ । नेपाली पुरुष टोली आज दोस्रो जितको खोजीमा हुनेछ । प्रतियोगितामा पुरुषतर्फ ५ र महिलातर्फ ६ राष्ट्रको सहभागिता रहेको छ ।
राउण्ड रोबिनको आधारमा हुने प्रतियोगिताको शीर्ष दुई टोलीले फाइनलमा प्रतिस्पर्धा गर्नेछ । तेस्रो र चौंथो टोलीले तेस्रो स्थानको लागि प्रतिस्पर्धा गर्नेछन ।
प्रतिक्रिया