पहिलो पटक नेपाल हरर थिम लाउञ्ज बार सञ्चालनमा,उद्घाटनमा सविन राईको प्रस्तुती

काठमाडौँ – नेपालमा पहिलो पटक हरर थिम लाउन्ज बारको सञ्चालन हुने भएको छ । डिसेम्बर २१ तारिख मंगलबारको दिन पारेर वान ओएक लाउञ्ज ‘द हरर हाउस’ (1 OAK) बार सञ्चालनमा ल्याउन लागेको हो ।

वान ओएकको ओपनिङ भने काव्यम व्याण्डले गर्नेछ । साथै, नेपाली पप गायन विधाका दिग्गज, युवाहरु माझ लोकप्रिय र सबैको मन,मष्तिष्कमा बस्न सफल चर्चित गायक सविन राईको प्रस्तुती पनि बारको उद्घाटन सत्र समारोहमा हुनेछ । तर, औपचारिक उद्घाटन भने २२ तारिखमा हुने वान ओएकले जनाएको छ । सो दिन पनि नेपालका चर्चित कलाकारहरुको उपस्थिति रहने छ । जसको मिडिया पार्टनर भने योहो टेलिभिजन एचडी रहेको छ ।

पर्यटकीय क्षेत्र र क्लबीङको हब बन्दै गएको दरबारमार्गमा अवस्थित जय नेपाल हलसँगै रहेको हरर हाउसमा ६ दिन लाईभ म्यूजिक र आईतबार एक दिन ओपन माइकको मनोरञ्जन लिन सकिने छ । लाईभ म्युजिकका साथै, अन्य रेष्टुरेण्टमा भन्दा भिन्न स्वाद र परिकारमा रमाउन सकिने वान ओएकले उल्लेख गरेको छ ।