सन् २०२२ को सुरुमै स्वास्थ्य संकट आउने ईयूको चेतावनी

काठमाडौँ – युरोपेली सङ्घ (ईयू) को स्वास्थ्य निकायले कोरोना भाइरसको नयाँ भेरियन्ट ‘ओमिक्रोन’ का कारण सन् २०२२ को सुरु सम्ममा स्वास्थ्य सङ्कट आउने चेतावनी दिएको छ । ईयूले यो भेरियन्टका कारण युरोपमा अस्पताल भर्ना र मृत्युको सङ्ख्या बढ्न सक्ने अनुमानसमेत गरिएको छ ।

युरोपका सबै सदस्य राष्ट्रहरुलाई भौतिक दूरी, मास्क र बुस्टर खोप कार्यक्रममा जोड दिन ‘युरोपियन सेन्टर फर डिजिज प्रिभेन्सन एन्ड कन्ट्रोल’ले आग्रह गरेको समाचार गरेको छ ।

महामारी अगाडि नै देशहरुलाई आफ्नो क्षमता बढाउन र आवश्यक सावधानी अपनाउन साथै महामारी नियन्त्रणका लागि आवश्यक प्रयास थाल्न ढिला गर्न नहुनेमा युरोपेली आयोग प्रमुख उर्जुला भोन देर लायनले जोड दिनुभएको छ ।