देशभर १८४ जनामा कोरोना पुष्टि, दुईको मृत्यु

काठमाडौँ – पछिल्लो २४ घण्टामा थप १८४ जनामा कोरोना संक्रमण पुष्टि भएको छ ।

७ हजार २३० जनाको पीसीआर परीक्षण गर्दा १६० जना र ३ हजार ७८८ जनाको एन्टीजेन परीक्षण गर्दा २४ जना गरी १८४ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयलले जनाएको छ । यस्तै, थप २६७ जना संक्रमण मुक्त भएका छन् ।

पछिल्लो २४ घण्टामा दुई जनाको मृत्यु भएको छ । योसँगै नेपाल मृत्यु हुनेको संख्या ११ हजार ५६७ पुगेको छ । मन्त्रालयका अनुसार हाल देशभर सक्रिय संक्रमितको संख्या ५ हजार ५२६ जना रहेका छन् ।