च्याम्पियन्स लिग फुटबलमा लिभरपुलको शतप्रतिशत जित, अन्य खेलमा कसले मारे बाजी ?

काठमाडौँ – इंग्लिस क्लब लिभरपुलले च्याम्पियन्स लिग फुटबलको समूह चरणमा शतप्रतिशत जित निकालेको छ । समूह चरणको अन्तिम खेलमा इटालियन क्लब एसी मिलानलाई २–१ गोल अन्तरले हराउँदै लिभरपुलले शतप्रतिशत जित निकालेको हो ।
मिलानको मैदानमा लिभरपुललाई जित दिलाउन मोहमद सलाह र डिभोग ओरिगीले एक–एक गोल गरे । खेलमा सुरुआती अग्रता भने मिलानले लिएको थियो । फिकायो टोमोरीले २८ औं मिनेटमा गोल गर्दै मिलानलाई अग्रता दिलाएका थिए । यस जितसँगै लिभरपुल समूह बी को शीर्ष स्थानमा रहदै नकआउट चरणमा पुगेको छ । लिभरपुल च्याम्पियन्स लिगको समूह चरणमा सबै ६ खेल जित्ने पहिलो इंग्लिस टिम समेत बनेको छ । मिलान भने समूह चरणबाटै बाहिरिएको छ ।

अन्य खेलमा पीएसजीले क्लब बर्गलाई ४ का विरुद्ध १ गोलले हराएको छ । पीएसजीको गोलमा किलियन एम्बाप्पे र लियोनल मेस्सीले समान दुई दुई गोल गरे । म्याट्स रिट्सले बर्गका लागि सान्त्वना गोल फर्काए । त्यस्तै म्यानचेष्टर सिटीलाई आरबी लाईपजिङले २–१ ले पराजित गरेको छ । डोमिनिक स्जोवोस्ज्लाई र आन्द्रे सिल्भाको गोलको मद्दतले सिटीलाई हराउन सफल भयो । सिटीका लागि रियाद मेहर्जले एक गोल फर्कएका थिए । सिटी अन्तिम समयतिर दश खेलाडीमा सीमित भएको थियो । वल्करले रातो कार्ड खादै मैदान छोडेको थियो । जितको वावजुद पनि लाईपजिङ छनौट चरणमा बाहिरिएको छ भने सिटी भने यसअघि नै नकआउट चरणमा प्रवेश गरिसकेको थियो ।