राङनिकले सम्हालेपछिको युनाईटेडको पहिलो जित,क्रिस्टल प्यालेस १–० ले पराजित

काठमाडौँ – इंग्लिस प्रिमियर लिग फुटबलमा म्यानचेष्टर युनाईटेडले जित निकालेको छ । शनिबार भएको खेलमा युनाईटेडले क्रिस्टल प्यालेसलाई १–० गोल अन्तरले पराजित गरेको हो ।

घरेलु मैदान ओल्ड ट्राफोर्डमा युनाईटेडले उत्कृष्ट खेल पस्कदै जित हात पार्याे । नवप्रशिक्षक राल्फ राङनिकले सम्हालेको युनाईटेडले सुरु देखि नै गोल गर्ने मौका सिर्जना गरेपनि गोल गर्न भने दोस्रो हाफ नै कु्र्नु पर्याे । युनाईटेडलाई जिनत दिलाउन फ्रेडले निर्णायक गोल गरे । उनले खेलको ७७ औं मिनेटमा ग्रीनउडको पासमा गोल गोल गर्दै युनाईटेडको जित सुनिश्ति गरे ।

अन्तरिम प्रशिक्षक राङनिकले सम्हालेको युनाईटेडको खेल विगत केही महिनाको तुलनामा उत्कृष्ट देखिएको थियो । यस जितसँगै युनाईटेडले १५ खेलमा २४ अंक जोडेको छ । त्यस्तै, गएराती नै भएका अन्य खेलहरुमा टोटनह्याम र एस्टनभिल्ला विजय भएका छन् । टोटनह्यामले नर्विच सिटीलाई तीन शून्यले हराउँदा लेस्टर सिटी एस्टन भिल्लासँग २–१ ले स्तब्ध बन्यो । यता लिड्स युनाईटेड र ब्रेन्टफोर्डले भने २–२ को बराबरी खेल्यो ।