आजबाट तेस्रो चरणका खेल हुँदै, फ्रेन्ड्स क्लब र थ्री स्टार तथा सातदोबाटो युथ र एपीएफ क्लब भिड्दै

काठमाडौँ – शहिद स्मारक ए डिभिजन लिग फुटबल अन्तर्गत तेस्रो चरणको खेलहरु आजबाट सुरु हुँदैछ । त्रिपुरेश्वरस्थित दशरथ रंगशालामा आजको पहिलो खेल फ्रेन्ड्स क्लब र थ्री स्टार क्लबबीच प्रतिस्पर्धा हुनेछ ।

फ्रेन्ड्स पहिलो जितको खोजीमा हुनेछ भने थ्रीस्टार दोस्रो जितको लक्ष्यमा मैदान उत्रने छ । यस्तै आजको दोस्रो खेलमा सातदोबाटो युथ क्लब र एपीएफ फुटबल क्लबबीच प्रतिस्पर्धा हुनेछ । पहिलो पटक शीर्ष लिग खेलिरहेको सातदोबाटो दोस्रो जितको खोजीमा रहने छ ।
एपीएफ भने पहिलो अंक जोड्ने लक्ष्यमा रहेको छ । ए डिभिजन लिगमा १४ क्लव रहेका छन् । पुच्छरका दुई टोली बी डिभिजनमा झर्ने छन् ।