देशभर ३१६ संक्रमित थपिए, तीन जनाको मृत्यु

काठमाडौँ – पछिल्लो २४ घण्टामा ३१६ जनामा कोरोनाभाइरसको संक्रमण पुष्टि भएको छ । १२ हजार ७२७ को कोरोना परीक्षण गर्दा पीसीआर विधिबाट २८५ र एन्टिजेन विधिबाट ३१ जनामा कोरोना पुष्टि भएको हो । पछिल्लो २४ घण्टामा देशभर थप तीन जनाको मृत्यु भएको छ । योसँगै नेपालमा कारोनाले ज्यान गुमाउनेको कुल संख्या ११ हजार ५२९ पुगेको छ ।

त्यस्तै आज थप २५९ जना संक्रमणमुक्त भएका छन् । हाल सम्म कोरोनामुक्त हुनेको संख्या आठ लाख ३ हजार १६८ रहेको छ । नेपालका हाल सक्रिय संक्रमित ६ हजार ९५४ रहेका छन् ।