ए डिभिजन लिगमा आज ब्रिगेड ब्वाइज र एनआरटी तथा मछिन्द्र र त्रिभुवन आर्मी क्लब भिड्ने

काठमाडाैँ – सहिद स्मारक ए डिभिजन लिग फुटबलमा आज दुई खेल हुँदैछन् । दुबै खेल त्रिपुरेश्वरस्थित दशरथ रंगशालामा हुने छ । पहिलो खेलमा ब्रिगेड ब्वाइज र एनआरटी क्लबबीच प्रतिस्पर्धा हुनेछ ।
ब्रिगेड लगातार दोस्रो जितको खोजीमा हुनेछ भने एनआरटी जितको खाता खोल्ने योजनामा हुने छ । लिग अन्तर्गत नै आजको दोस्रो खेलमा साविक विजेता मछिन्द्र एफसी र उपविजेता त्रिभुवन आर्मी क्लबबीच प्रतिस्पर्धा हुनेछ । मछिन्द्र आज लगातार दोस्रो जितको खोजीमा हुनेछ भने आर्मी पहिलो जितको खोजीमा हुनेछ ।