काठमाडौँ – पर्यटकीय स्थल पोखराको फेवाताल किनारमा रहेका पाँचवटा रेष्टुरेण्टमा आगलागी हुँदा जलेर पूर्णरुपमा नष्ट भएका छन् । सोमबार बिहान करिब तीन बजे लाग्न सुरु गरेको आगो तीन घण्टा पछि ६ बजे मात्रै नियन्त्रणमा आएको थियो ।
बैदामकी प्रहरी प्रमुख डीएसपी चिनिमाया तामाङका अनुसार आगोले के कति क्षति गरेको छ त्यसको पूर्ण विवरण अझै आएको छैन । अहिलेसम्म डेढ करोडभन्द बढीको क्ष्ति भएको र यो अझै बढ्न सक्ने उनले बताए । आगो लाग्नुको कारण भने अहिलेसम्म खुल्न सकेको छैन । यद्यपी विद्युत सर्ट भएर आगो लागेको हुन सक्ने अनुमान गरिएको छ ।
प्रतिक्रिया