बैतडीमा जन्ती बोकेको जिप दुर्घटना हुँदा पाँच जनाको घटनास्थलमै मृत्यु, २ जनाको अवस्था गम्भीर

काठमाडौँ – बैतडीको गोठालापानीनजिक जन्ती बोकेको जिप दुर्घटना हुँदा पाँच जनाको मृत्यु भएको छ । प्रहरीका अनुसार देहिमाडौंबाट जन्ती लिएर सिमायलतर्फ जाँदै गरेको म १ ज ३१० नम्बरको जिप दुर्घटना हुँदा पाँच जनाको घटनास्थलमै मृत्यु भएको हो ।
मृत्यु हुनेमा दशरथचन्द नगरपालिकाका ४८ वर्षे राजेन्द्रबहादुर चन्द, सोही ठाउँका ३८ वर्षे धनबहादुर चन्द, ६५ वर्षे प्रेम चन्द, ६५ वर्षे तारासिंह थापा र ५८ वर्षे खेमसिंह कार्की छन् । दशरथचन्द नगरपालिकाका ५८ वर्षे हर्कबहादुर चन्द र जिपचालक डडेल्धुराका ४० वर्षे दीपक माली गम्भीर घाइते भएका छन् ।