देश

संसदीय सुनुवाई समितिको बैठक स्थगित


काठमाडौँ – भारत, अमेरिका र बेलायतका लागि प्रस्तावित राजदूतहरुको सुनुवाईका लागि बोलाइएको संसदीय सुनुवाई समितिको बैठक कोरम नपुगेर स्थगित भएको छ । आज सिंहदरवारमा बोलाइएको समितिको बैठक कोरम नपुगेपछि आगामी मंसीर १७ गते बस्नेगरी स्थगित गरिएको हो ।

कोरम नपुगेपछि समितिको बैठक आगामी मंसीर १७ गते बस्नेगरी स्थगित गर्नु परेको समितिका सभापति लक्ष्मणलाल कर्णले जानकारी दिनुभयो । उहाँले एमाले र काँग्रेसबाट प्रतिनिधित्व गर्ने सांसदहरु महाधिवेशनको कारण उपस्थित हुन नसक्दा समितिको बैठक बस्नका लागि आवश्यक कोरम पुग्न नसकेको स्पष्ट पार्नु भयो ।

गत कात्तिक ११ गते बसेको मन्त्रीपरिषद बैठकले भारतका लागि नेपाली राजदुतमा डा. शंकर शर्मा, अमेरिकाका लागि नेपाली राजदूतमा श्रीधर खत्री र बेलायतमा ज्ञानचन्द्र आचार्यको नाम सिफारिस गरेको थियो ।