काठमाडौँ – सहिद स्मारक ए डिभिजन क्लब हिमालयन शेर्पासँग आज नेपाल आइस मुख्य प्रायोजकको रुपमा जोडिएको छ । काठमाडौँमा एक कार्यक्रमका बीच हिमालयन शेर्पा क्लबले नेपाल आईससँग मुख्य प्रायोजनका सम्झौता गरेको हो । हिमालयन शेर्पाका अध्यक्ष कर्माछिरिङ्ग शेर्पा र नेपाल आइसका बिजिनेस हेड प्रदिप पुडासैनीले सम्झौता पत्रमा हस्ताक्षर गरे ।
सम्झौता अनुसार हिमालयन शेर्पालाई नेपाल आइसले एक वर्षको लागि प्रायोजन गर्नेछ भने हिमालयन शेर्पाले ए डिभिजन लिगमा नेपाल आईस अंकित लोगो भएको जर्सी लगाउने छ । नयाँ सिजनको ए डिभिजन लिग शुक्रबारबाट हुँदैछ ।
प्रतिक्रिया