देशभर ४१२ संक्रमित थपिए, एक जनाको मृत्यु

काठमाडौँ – पछिल्लो २४ घण्टामा ४१२ जनामा कोरोनाभाइरसको संक्रमण पुष्टि भएको छ । ११ हजार ९९३ को कोरोना परीक्षण गर्दा पीसीआर विधिबाट ३६३ र एन्टिजेन विधिबाट ४९ जनामा कोरोना पुष्टि भएको हो । पछिल्लो २४ घण्टामा देशभर थप एक जनाको मृत्यु भएको छ । योसँगै नेपालमा कारोनाले ज्यान गुमाउनेको कुल संख्या ११ हजार ४८३ पुगेको छ ।

त्यस्तै आज थप २०२ जना संक्रमणमुक्त भएका छन् । हाल सम्म कोरोनामुक्त हुनेको संख्या सात लाख ९८ हजार ९१६ रहेको छ । नेपालका हाल सक्रिय संक्रमित ७ हजार ६३६ रहेका छन् ।