दोस्रो टी–ट्वान्टी अन्तराष्ट्रिय महिला क्रिकेटमा नेपाल र कतार आज पनि भिड्दै

काठमाडौँ – कतार भ्रमणमा रहेको नेपाली राष्ट्रिय महिला क्रिकेट टोलीले आज घरेलु टोलीसँग दोस्रो टी–ट्वान्टी अन्तराष्ट्रिय क्रिकेटमा प्रतिस्पर्धा गर्दैछ ।

नेपालले दोहास्थित वेस्ट इन्ड पार्क स्टेडियममा कतारको सामना गर्नेछ । नेपाल र कतारबीचको खेल दिउँसो पौने ४ बजे सुरु हुनेछ ।

घरेलु टोलीविरुद्ध मैदान उत्रदा नेपाल सिरिज कब्जा गर्ने योजनामा रहने छ । नेपालले पहिलो खेलमा कतारलाई १ सय १९ रनले हराएको थियो । नेपालले तीन खेलको सिरिजमा १–० ले अगाडि छ ।

दोस्रो खेलमा जित निकालेमा नेपालले एक खेल अगाबै सिरिज कब्जा गर्ने छ । नेपाल र कतारबीचको अन्तिम खेल भोलि हुनेछ ।