प्युठानमा जिप दुर्घटनामा परि चालकको मृत्यु

काठमाडौँ – प्युठानमा जिप दुर्घटना हुँदा एक जनाको ज्यान गएको छ । आज बिहान मल्लरानी गाउँपालिका–३ बुकेनीमा जीप दुर्घटना हुँदा २९ वर्षीय चालक गोरख पुनको घटनास्थलमै ज्यान गएको हो ।

बुकेनीबाट खलङ्गाका लागि छुटेको रा १ ज १९९२ नम्बरको गाडीमा दुई जना रहेकामा सहचालक भने घाइते भएका छन् । सहकचालक प्युठान नगरपालिका ४ बस्ने १६ वर्षीय विवेक नेपाली घाइते भएका हुन् । उपचारका लागि उनलाई प्युठान अस्पताल बिजुवाइ ल्याइएको प्रहरीले जनाएको छ ।