देशभर २९५ संक्रमित थपिए, दुई जनाको मृत्यु

काठमाडौँ – नेपालमा थप २९५ जनामा कोरोना भाइरसको संक्रमण पुष्टि भएको छ । जनसंख्या मन्त्रालयका अनुसार शनिबार २९५ जना संक्रमित थपिएका हुन् ।

पछिल्लो २४ घण्टामा ८ हजार २४३ जनाको कोरोना परीक्षण गर्दा सो संख्यामा संक्रमित थपिएका हुन् । नेपालमा हाल ७ हजार २७८ जना सक्रिय संक्रमित छन् । यस्तै, पछिल्लो २४ घण्टामा कोरोना भाइरसको संक्रमणबाट २ जनाको मृत्यु भएको छ । योसँगै मृत्यु हुनेको संख्या ११ हजार ४७१ पुगेको छ । आज ४७८ जना निको समेत भएको मन्त्रालयले जनाएको छ ।