सल्यानमा बस दुर्घटना हुँदा आठ जनाको मृत्यु

काठमाडौँ – सल्यानमा बस दुर्घटना हुँदा आठ जनाले ज्यान गुमाएको छन् । सल्यानको जयत पानीबाट दाङको तुलसीपुरतर्फ आउँदै गर्दा कपुरकोट गाउपालिका–५ खारखोलामा दुर्घटना भएको हो।

उक्त दुर्घटनामा २६ जना घाइते भएका छन् । प्रहरी र स्थानीयद्वारा घाइतेहरुको उद्धार गरी उपचारका लागि श्रीनगर र केहीलाई तुलसीपुर पठाइँदै गरेको प्रहरीले जनाएको छ। जिल्ला प्रहरी कार्यालय सल्यानका प्रमुख डिएसपी गोविन्द थापाका अनुसार रा १ ख २५५२ नम्बरको बस बिहान पौने ११ बजेतिर कपुरकोटको खारखोला नजिकै दुर्घटना भएको थियो ।